Kami ni Charisse uban sa akong mga anak nga si Mayek, Totot, An-an, Macy og Min-min og mga apo nga si Lexie, Kayla, Marcuz og Zethry malipayon nga magpasalamat sa tanan nga ania karon sa paguban kanamo sa paghatod kay Papa sa laing kinabuhi uban sa Ginoo.
Dako among kalipay nga sa panahon nga ania kami dinhi sa laing nasod anaa ang pamilya ni Edison and Mayette Villegas nga kanunay nag alagad kay Papa sa tanan nga occasyon hantod sa iyang kamatayon. Sila ang nahimong pamilya ni papa sa panahon nga wala mi sa pasko, sa iyang birthday og sa mga anniversaries.
Nagpasalamat pud mi sa akong mga igsoon nga si Randy og Jackie, kay Bebeth og Edgar, Teteck og Tony uban sa ilang mga anak og apo nga miuli gyud bisan sa kalayo sa ilang gibyahi.
Daghang salamat pud sa akong brother-in-law nga si Dennis Mijares uban sa iyang asawa nga si Hilda sa pagtabang niining lubong.
Salamat pud kaayu kay Loma Emano sa mga gracia nga iyang gihatag sa among pamilya.
Kay Msgr Roa, Fr Raul Ricacho og Fr Gary Igot, salamat sa inyong walay paglubad nga serbisyo kanamo og sa Ginoo.
Sa mga kaparyentihan, Roa and Ricacho Family, among kahigalaan, ang mga taga Bugo, mga umalagad sa simbahan, kami buot nga magpasalamat usab sa inyong pag uban kanamo sa tibuok kinabuhi ni Papa Mars og hantod karon.
Sa mga tao nga nagtuo nga kami wala naghatag og panahon, sa tinuod lang, wala namo gipasagdan ang among amahan bisan kami ania sa layo. Uban sa akong mga igsoon og among pamilya, namuyo kami sa laing dapit, sa kalisod sa among kinabuhi dinhi kami kanunay nga gapaningkamot nga matagaan namo si Papa Mars og supporta sa tanang aspeto sa kinabuhi. Kanunay kami nga naga uban kay Papa sama sa mga pag ampo og sa espirito santo.
Sa lain nga bahin, kami nalipay pag maayo nga daghan mitabang sa among pamilya bisan pa wala ang among presensya. Nagatuo usab kami nga nagsadya ang among ginikinan kay ania kamo dinhi tanan karon og pirmi nga naga uban kanamo sa tanang higayon.
We are deeply saddened for the loss of our Father, Grandfather and Greatgrandfather Papa Mars. But we believe that he is happy to rest in peace with our Good Lord together with Mama Lily. Thank you very much and May God Bless us all!
Bobong and Family
